Kaptein Caprivi blogs... » Namibia

Personal Coach

Kaptein — Wed, 31 Dec 2008 19:18:48 +0000

This is for Murray. While you are enjoying the Caribian, we are ending 2008 by answering some important questions.

We look forward to answering some more at the end of next year.

Wild Horse Inn by Klein Aus Vista

Kaptein — Wed, 31 Dec 2008 07:01:35 +0000

Sjoe, ons het nou lekker gebly by die Wild Horse Inn by Klein Aus Vista. HOOGS aanbeveel! Piet en sy mense weet hoe om ‘n plek te laat werk, en mense teen ‘n redelike koste gemaklik te laat voel.

Sossosvlei hier kom ons.

Wilde perde van die Namib

Kaptein — Mon, 29 Dec 2008 14:21:54 +0000

Die wilde perde van die Namib is ongelooflike diere. Hulle word genoem “feral horses”, wat beteken domestiese diere wat wild leef. Aan die begin van die 1900’s het hulle begin rondbeweeg hier, al hoe wel niemand seker is presies wat gebeur het nie. Die huidige teorie is dat dit iets te doen gehad het met die troepe van die eerste wereld oorlog. Daar is so tussen 60 en 300 perde hier te vind, en hang die getalle baie af van die beskikbaarheid van water. Hoe droeër, hoe minder perde.

Verbasende diere. Ek sou nooit kon raai ‘n perd kan in die woestyn oorleef nie. Ek weet ons dalmatians sal sukkel; hoofsaaklik omdat hier nie mandjies met kussings is om in te slaap nie.

Kaptein Caprivi

Kaptein — Sun, 28 Dec 2008 20:45:52 +0000

Is terug.

Klein Aus Vista

Kaptein — Sun, 28 Dec 2008 14:15:41 +0000

Nie Windows Vista nie, vir die 3 geek vriende van my. Klein Aus Vista. Dit ruik en lyk sommer vars en gerieflik vir die nie so moeë reisiger. Na gister aand se buitensporige pryse vind ons toe hierdie klein wonder net buite Aus. Die mense is vriendelik, die pryse is redelik en meer belangrik; hulle het plek vir ons! Ek begin worry oor ons verdere aande, dit kan besig raak. Maar wie is bang?

Ons voel so tuis, dat Eldre sommer domesties begin optree en reken ek kan gaan sit met n biertjie; sy sal middagete maak. Ek weet nie heeltelmal wat fout is met haar nie, maar ek hou daarvan.

Namib Woestyn

Kaptein — Sun, 28 Dec 2008 12:48:22 +0000

Wow. Eerste gewaarwording van die ongelooflike Namib woestyn; die rede vir ons koms Namibie toe. My gebed is dat ons die sand en die duine ordentlik onder ons voel.

Visrivier Canyon staptoer

Kaptein — Sun, 28 Dec 2008 08:43:57 +0000

Sal ons dit ooit stap? Die jaar sal ons vertel.

Visrivier Canyon van naby

Kaptein — Sun, 28 Dec 2008 08:37:16 +0000

Visrivier Canyon het nounet my asem weggeslaan.

Canyon Lodge

Kaptein — Sun, 28 Dec 2008 07:17:16 +0000

Dit was aand, en dis nou oggend. Canyon Lodge naby die Visrivier Canyon in Namibie was ok, maar te duur vir wat jy kry. Klein dingetjies maak nie sin nie, soos dat jy byvoorbeeld n paar 100m stap na jou pragtige afgeleë huisie. Jy mag nie met jou motor soontoe ry nie, maar daar gekom is daar geen yskassie of honesty bar vir die droeë kele nie. Dis egter pragtig hier, en met n laer prys, sal ons wel weer terugkom

Visrivier Canyon

Kaptein — Sat, 27 Dec 2008 12:40:40 +0000

Eerste ongelooflike aanskou van die Visrivier Canyon. Dis redelik ver weg, en die IPhone kamera laat dit nie reg lyk nie. Ek weet wel waarna ons uitsien.